Fenomeni i blerjes së mandateve ka qenë shumë i diskutueshëm në zgjedhjet e kaluara, e sot është rikthyer në vëmendje nga kandidatja për kryebashkiake e BD, Valbona Mezini. Duke u ndalur tek vendimi i opozitës për të djegur mandatet, ajo e cilëson pafytyrësi nga ana e ish-deputetëve që po përpiqen që të shesin opozitarizmen, për të nxjerrë sipas saj, lekët e mandateve të blera.
"Seç jane ca pseudo deputet të dorëhequr që zgjidhen qeset për të blerë mandatin, e sot na mbushin mendjen se opozita është pronë që e kanë blerë dhe mund ta shesin opozitarizmen në rastin më të parë që të nxjerrin çfarë shpenzuan.
Opozita sot nuk ka emër apo sigel për pazarin e radhës.
Opozita sot është çdo shqiptar i vjedhur në 30 vjet, i drobitur nga bashkëpunëtorët që ndërtuan sistemin e falimentuar.
Mos u investoni të na mbushni mendjen, të paktën pafytyresine kursejuani shqiptareve. Boll Më", shkruan Mezini.
Komente
