TIRANË- Kandidatja e PD-së për bashkinë e Vaut të Dejës, Klomentina Drini ka reaguar pas sulmeve që Sali Berisha i bërë një ditë më parë, teksa prezantoi para demokratëve Zef Hilën. Në një reagim në Facebook, Drini teksa e quan Berishën një non grata, shkruan se nuk do të tërhiqet nga gara pavarësisht presioneve që po i ushtrohet.
Klomentina Drini thotë se PD është parti pro amerikane dhe në këtë garë elektorale do të përfaqësojë me dinjitet vlerat e Partisë Demokratike dhe të gjithë Demokratëve në Bashkinë Vau Dejës. Ndërkohë, ajo thotë se votat e demokratëve nuk mund të shkojnë për Ilir Metën.
“Zoti NONGRATA! Pavarësisht furisë së pritshme të sulmeve të paimagjinueshme ndaj meje, po të sqaroj: Unë jam Klomentina DRINI! Jam PRO AMERIKANE! Jam PRO EUROPIANE! Jam PRO MBRETËRISË! Nuk bashkëpunoj me persona NONGRATA! Koha dhe veprat e kanë vërtetu qëndrimin tim ! Unë jam historikisht me Partinë Demokratike!
Partia Demokratike, nuk është një parti Kryetari që qon ujë në mulli të Ilir Metës, por një PD vlerash, e hapur për të gjithë ata që ndajnë të njëjtat ide dhe parime të djathta, me orientim qartësisht të fortë pro amerikan, pro perëndimor, me një program modern, vizion e thjeshtësi duke përfshirë në rradhët e veta gjithkënd që ndan të njëjtat interesa dhe filozofi politike.
Theksoj se pjesëmarrja ime në garë elektorale është e vendosur dhe s’ka bashkëpunim apo presion që më kthen pas! Do të përfaqësoj me dinjitet vlerat e Partisë Demokratike dhe të gjithë Demokratëve në Bashkinë Vau Dejës. Demokratët e kanë vendin në Shtëpinë e tyre, në Partinë Demokratike”, shkruan ajo.
Një ditë më parë, Sali Berisha nga Vau i Dejës sulmoi kandidaten e PD, duke thënë se po shërben si patericë e regjimit të Edi Ramës.
“Dua ti them dy fjalë, kandidates dhe kandidatit tjetër. Të dy jeni kandidatë të Tom Doshit. Ua thashë dhe herën e parë. PS-ja ja ka dhënë me koncesion Tomës, kandidatin. Është e pafalshme në një moment historik për vendin, në një moment kritik për demokracinë shqiptare që një demokrat të çojë ujë në mullirin e Edi Ramës, që të bëhet një patericë e atij regjimi që po shkreton Shqipërinë çdo ditë. Ndaj dhe ftoj përsëri çdo demokrat, në Vaun e Dejës dhe kudo, të mendojnë, prap ka kohë të mendojnë dhe votat e tyre ti bashkojnë”, tha Berisha një ditë më parë.
VIDEO- Deklarata e Sali Berishës në Vaun e Dejës
Komente
/GONI/,zonja po perballon sulmet e Berishes e po qendron ne gare,ne nje kohe kur disa shoke te gjinise tende, vendosen te terhiqen nga gara me bisht nen shale per te fshehur tredhjen qe u ka bere /non grata/.
PërgjigjuKJO ESHTE ZOÇKE ME VEZĒ TE TREDHURA...PATJETER QE ESHTE LECKE E ATYRE QE TREDHIN...
PërgjigjuAs votat e familjes te vet ska me marr hahahahhahahh
PërgjigjuKjo nuk duhet te terhiqet nga gara por mire do bente kandidati socialist te terhiqej nga gara dhe te ndihmonte Klomentinen. Sepse Zef Hila i Berishes eshte kandidat i forte ne Vau Dejes dhe vetem nje bashkim PS-PD-SHBA-NATO mund te fitojne mbi koalicionin Berisha-Meta-Putin.
PërgjigjuCa qeka kjo si traktoriste
PërgjigjuBRAVA.........
Përgjigju