DIBËR- Policia e Dibrës ka ndaluar një të dënuar me 1 vit e 6 muaj burgim për kryerjen e dy veprave penale. Bëhet fjalë për Zabit Doçin, 27 vjeç, banues në Lurë të Dibrës.
Kapja dhe ndalimi i tij u bë pas dënimit të Gjykatës së Rrethit Gjyqësor Dibër për veprat penale të “Kanosjes” dhe të “Mbajtjes pa leje të armëve luftarake”, pasi i riu në vitin 2012, ka kanosur me armë N.C.
Njoftimi i plotë:
Dibër
Kapet dhe ndalohet një shtetas i dënuar me 1 vit e 6 muaj burgim për dy vepra penale
Nga shërbimet e Komisariatit të Policisë Dibër u bë kapja e personit të shpallur në kërkim :
Zabit Doçi , 27 vjeç, banues në Lurë ,Dibër.
Kapja dhe ndalimi i tij u bë pasi Gjykata e Rrethit Gjyqësor Dibër me datë 06.11.2012 e ka dënuar me 1 vit e 6-muaj burg për veprat penale të “Kanosjes” dhe “ Mbajtjes pa leje të armëve luftarake” të parashikuar nga nenet 84 dhe 278/2 të Kodit Penal, pasi ne vitin 2012, ka kanosur me armë shtetasin N.C.
Materialet proceduriale do ti kalojnë Prokurorisë Pranë Gjykatës së Shkallës së Parë Dibër për veprime të mëtejshme.
Komente
