I ftuar në emisionin e mëngjesit “Rreze Dielli” në Report TV, me moderatore Androniki Kolka ishte Altin Goci, kantautori i njohur, pjesëtar i grupit “Ritfolk”.
“Në vitin 1991 fituam një popullaritet që nuk e kuptonim ende, gjatë festivalit të të rinjve në Dhjetor, por me kalimin e kohës publiku nisi të kishte simpati për ne” e nis kështu rrëfimin Altini.
“Ëndrra nisi në bankat e shkollës, kur ishim nxënës në shkollën e mesme ‘Petro Nini Luarasi’ në kryeqytet, ku dëshira e disa të rinjve për të kënduar u bë realitet” vazhdoi më pas ai.
Sot Altini nuk e ka lënë pas pasionin e dikurshëm. Me Saimir Brahon, pjesëtarin e dytë të grupit ritakohet herë pas here dhe ka projekte artistike, siç ishte aktiviteti i para dy viteve, por Altini nuk ka lënë pas as projektet personale që pret t’i sjellë së shpejti për publikun shqiptar. Gjatë intervistës, Altini u surprizua me videomesazhe dhe nga dy miq zemre, Saimir Braho dhe Elton Deda. Ata treguan si e kishin njohur Altinin dhe sesa mirënjohës janë sot që e kanë në jetën e tyre, si mik dhe si profesionist.
Në planin personal, jeta e tij është shumë e plotësuar. Është babai i dy vajzave që sot e bëjnë shumë krenar dhe që janë fanset e para të babait të tyre. I pyetur nga moderatorja se cila do të ishtë një këshillë për vajzat e tij, Altini tha se do u thoshte që të ishin gati për çdo sfidë që mund t’u sjellë jeta dhe të mos dorëzohen kurrë para asnjë vështirësie, pasi asgjë nuk është e lehtë në jetë.
Komente
Pershendetje Altin! Me Altinin kemi qene ne nje klase te PNL.Ne ate kohe keta djem dhe shume kengetare te tjere benin muzike te vertete,te sinqerte,jo si sot,pas 2000 shumica e kengeve qe dalin jane te harrueshme edhe kantaautoret e ketyre kengeve do te kene te njejtin fat si kenget e tyre, eshte vetem ceshtje kohe. Me keqardhje mund te them se nuk ka me kenge,as kengetare,as kompozitore si ne vitet e para pas demokracise,por dhe te kohes se diktatures.Cilesia e standarti i larte eshte zevendesuar nga vulgariteti,amatorizmi dhe mediokriteti. Shumica e kengeve te sotme e kane vendin bashke me nje pjese te mire kengesh te kohes se rev.kulturor kinez qe infektoi me urdher nga lart dhe artistet tane-ne koshin e plerave te memories artistike.
Përgjigju