ITALI - Punonjësit e njësisë së policisë ekonomike-financiare të Guardia di Finanza të Bolonjës, të deleguar nga Prokuroria e Bolonjës, ekzekutuan një dekret për sekuestrimin e 100 përqind të aksioneve të shoqërisë Star Ball Srl, që zotëron Hellas Veronën, klubin e Serie A.
Masa e sigurimit, shkruan GDF në shënimin e saj, rrjedh nga hetimet e kryera pas falimentimit të një kompanie “tashmë pronare e aksioneve të sipërpërmendura”, që lidhen me një pronar dhe dyshohet se ka edhe mashtrime bankare.
Nga hetimet rezulton se janë kryer transaksione të dyshimta aksionesh nga shoqëria aksionare te klubi i Veronës dhe që në të dyja rezulton të jetë i njëjti sipërmarrës, Maurizio Setti.
Ndaj, Guardia di Finanzia e Bolognas si masë paraprake ka sekuestruar në masën 100 përqind aksionet e klubit të Hellas Veronas në Serie A, duke shtuar telashe të tjera për ekipin që po lufton me mbijetesën në elitën e futbollit në Itali.
Në një reagim të mëvonshëm, vetë klubi i Serie A tregon se kjo lëvizje e "Rojes Financiare" nuk ka të bëjë me ekipin, por me një tjetër kompani të presidentit Setti.
S.DH/ReportTv.al