Për shkak të kaosit të krijuar në parlament të hënën, që pamundësoi zhvillimin normal të seancës plenare, grupi parlamentar i Partisë Socialiste ka kërkuar që të merret masë disiplinore ndaj 3 deputetëve të grupit të Rithemelimit.
Në shkresën dërguar Sekretariatit të Etikës, kërkohet masë disiplinore për deputetët Bledion Nallbati, Saimir Korreshi dhe Flamur Noka. Ky i fundit, është përplasur fizikisht me punonjësit e gardës, si dhe ka penguar deputetët socialistë të mbajnë fjalën gjatë punimeve të parlamentit.
Sekretariati i Etikës do të mblidhet të mërkurën në orën 13:00 për të shqyrtuar kërkesën e tyre si dhe për të vendosur masën disiplinore. Nga radhët e grupit të Rithemelimit, deputeti i cili ka marrë masën më të rëndë, ka qënë Edi Paloka, i cili është përjashtuar nga punimet e kuvendit me 40 ditë.
