Kapet në Spanjë, Aleksandër Frroku i kërkuar nga drejtësia shqiptare. 31 vjeçari nga Laçi ishte në kërkim pasi Apeli në Tiranë e kishte dënuar me 4 vite burg për vjedhje në bashkëpunim, si dhe për drejtim të automjetit në mënyrë të parregullt.
Ndërkohë vijojnë procedurat me Interpolin e Madridit për ekstradimin e tij në Shqipëri.
Frroku u kap në kuadër të operacionit Weekend në Spanjë, me qëllim ekstradimin në vendin tonë.
'Në kuadër të operacionit “Weekend”, në Spanjë u bë arrestimi provizor me qëllim ekstradimin drejt vendit tonë, i shtetasit Aleksandër Frroku, 31 vjeç, banues në Laç.
Ky shtetas ishte shpallur në kërkim ndërkombëtar, pasi Gjykata e Apelit Tiranë, në vitin 2018 e ka dënuar me 4 vjet burgim, për veprat penale “Vjedhja", kryer në bashkëpunim, dhe “Drejtimi i automjeteve në mënyrë të parregullt”.', njofton policia.
Dënimi i tij ishte dhënë nga Gjykata e Apelit në Tiranë në vitin 2018.
Komente
Kaq merrak e kishte drejtësia dhe Interpoli Shqiptar..... me e sjell ne Shqipëri .
Përgjigju