Një 49-vjeçar është arrestuar pasi në mjetin e tij policia e Lushnjes gjeti një sasi prej 6 kilogram kanabis. Në kuadër të operacionit të koduar "Taksisti" u arrestua shtetasi me iniciale O. M., banues në Tiranë.
"Bazuar në informacione të marra në rrugë operative, u bë arrestimi në flagrancë i shtetasit O. M., 49 vjeç, banues në Tiranë, pasi në vendin e quajtur "Pushimi i shoferit", gjatë kontrollit të automjetit të tij tip "Benz", u gjet dhe u sekuestrua në cilësinë e provës materiale 6 kg lëndë narkotike kanabis sativa", thuhet në njoftimin e policisë.
Materialet i kaluan Prokurorisë pranë Gjykatës së Shkallës së Parë Lushnjë për veprën penale "Prodhimi dhe shitja e narkotikëve".
Komento
