Andres Guardado, kapiteni i përfaqësueses së Meksikës, nuk është vonuar t’i kujtojë Nejmarit fjalët e thëna nga braziliani kur ky i fundit u bë protagonist në eliminimin e Meksikës. Futbollisti brazilian kishte deklaruar pas asaj ndeshje se meksikanët duhet të niseshin për në shtëpi.
“Po tani, kush po kthehet në shtëpi” – shkruan Guardado në një foto të postuar në Instagram, menjëherë pas përfundimit të ndeshjes.
Shumë futbollistë meksikanë u ankuan për lojën jo të ndershme të Nejmarit në ndeshjen me Meksikën, e me sa duket, tani ka ardhur koha që të hakmerren ndaj lojtarit i cili u largua përsëri i dëshpëruar nga një Botëror.
Në mënyrë të befasishme Brazili i dha lamtumirën sonte Botërorit Rusi 2018 pas difatës që pësoi nga Belgjika në çerekfinale me rezultat 1-2.
De Bruyne sonte ishte në formën e tij më të mirë dhe arriti që të shënoj gol në minutën e 31’të te ndeshjes, gol që e kualifikojë Belgjikën në gjysmëfinale.
