Serie A e futbollit vijoi këtë të shtunë me javën e nëntë. Gjithçka nisi në orën 15:00 me fitoren 1-0 të Napolit kundër Leçes. Ndërkohë Atalanta mposhti 6-1 Veronan, teksa Bologna - Milan u shty për shkak të motit të keq. Të diel spikat Derbi i Italisë mes Interit dhe Juves (18:00).
Në stadiumin "Maradona" Napoli fitoi 1-0 kundër Leçes dhe do vijojë të jetë në krye të Serie A, teksa mund të thellojë distancën pasi rivalët direkt përplasen mes tyre nesër (Inter - Juventus 18:00). Një gol i kapitenit Di Lorenzo në minutën e 73 i dha tri pikë skuadrës së Antonio Contes, ndërsa po të njëjtit VAR i anulloi një gol për pozicion jashtë loje në pjesën e parë. Te vendasit Amir Rrahmani dhe për miqtë Ylber Ramadani luajtën nga minuta e parë. Tanimë Napoli prin renditjen me 22 pikë.
Në Bergamo sfida nuk pati histori pasi Atalanta "shkërmoqi" 6-1 Veronën. Për vendasit nga minuta e parë luajti Berat Gjimshiti. Atalanta shënoi pesë herë në pjesën e parë me De Roon, Retegui, De Ketelaere dhe dopietën e Lookman (që asistoi dy herë të tjera). Pjesën e dytë Retegui shënoi dopietën personale, ndërsa goli i flamurit për miqtë u shënua nga Sarr.
Ndërkohë, sfida e programuar për sot në "Dall'Ara", ajo mes Bolognas dhe Milanit u shty për shkak të kushteve të rënduara të motit. Pritet që Lega Serie A të vendosë një datë për zhvillimin e ndeshjes, teksa gjithçka duhet të luhet para marsit për shkak të kalendarit të ngjeshur.
Serie A, raundi 9-të:
E shtunë, 26 tetor 2024
15:00 Napoli 1-0 Leçe
18:00 Bologna - Milan (e shtyrë)
20:45 Atalanta 6-1 Verona
Renditja:
Në stadiumin "Maradona" Napoli fitoi 1-0 kundër Leçes dhe do vijojë të jetë në krye të Serie A, teksa mund të thellojë distancën pasi rivalët direkt përplasen mes tyre nesër (Inter - Juventus 18:00). Një gol i kapitenit Di Lorenzo në minutën e 73 i dha tri pikë skuadrës së Antonio Contes, ndërsa po të njëjtit VAR i anulloi një gol për pozicion jashtë loje në pjesën e parë. Te vendasit Amir Rrahmani dhe për miqtë Ylber Ramadani luajtën nga minuta e parë. Tanimë Napoli prin renditjen me 22 pikë.
