Ish-portieri Sebastien Frey mendon se Interi ka shansin të nënshkruajë me Karim Benzema këtë muaj, duke e quajtur fituesin e Topit të Artë të vitit 2022 'një mundësi' për klubin.
Sulmuesi 36-vjeçar francez u largua nga Evropa për në Arabinë Saudite verën e kaluar, duke iu bashkuar Al-Ittihad me një kontratë fitimprurëse tre vjeçare me vlerë deri në 200 milionë euro neto në sezon. Ai ka nisur mjaft mirë në Ligën Pro Saudite, duke shënuar nëntë gola dhe duke dhënë pesë asistime në 15 ndeshje.
Benzema thuhet se është i pakënaqur me jetën në Al-Ittihad dhe dëshiron të largohet nga klubi këtë muaj. Ai u përjashtua së fundmi nga kampi stërvitor i klubit në Dubai dhe është lidhur shumë me një kalim te Manchester United. Duke folur për TV Play, Frey diskutoi situatën e Benzema dhe sugjeroi që ai mund të bënte kalimin te Interi këtë muaj.
“Benzema është në mosmarrëveshje me klubin në Arabinë Saudite, ai mund të jetë në treg që në janar. Kam lexuar dhe dëgjuar për Marottën, i cili nuk i ka thënë po ardhjes së tij, por as nuk e ka mohuar. Prioriteti është largimi i Sanchez, nëse ai largohet nga Interi , atëherë Benzema mund të jetë një mundësi", thuhet në reagimin e Frey.
Ndërkohë veç Interit, mediet në Britaninë e Madhe bëjnë me dije se për shërbimet e sulmuesit janë futur në garë edhe Chelsea, Manchester United dhe Arsenal.
