Real Madrid organizoi një darkë festive me rastin e festave të fundvitit. Kapiteni Karim Benzema dhe trajneri Carlo Anceloti kanë folur në këtë event. Benzema duket se e ka harruar largimin nga kombëtarja franceze dhe "Topi i Artë" është totalisht i fokusuar te Galaktikët, duke premtuar të tjerë trofe.
“Në emër të të gjithë skuadrës, dua të ndaj këtë moment gëzimi me të gjithë tifozët tanë për mbështetjen e palodhur dhe të pakufishme gjatë një viti që ka qenë për kartolinë. Viti 2022 ka qenë vërtetë i paharruar për të gjithë ne, për Realin e Madridit. Kemi fituar gjithçka mund të fitonim. Së bashku ia kemi dalë dhe kështu së bashku mund të mposhtim këdo. Uroj që viti i ardhshëm të na sjellë suksese të reja. Së bashku mund të fitojmë gjithçka”, tha kapiteni Benzema.
Komente
