Prej ditësh është vënë re një shpërthim të vërtetë të karkalecave dhe insekteve të ndryshme në Tiranë, mbi të gjitha në zonat më periferike të kryeqytetit.
Bashkia e Tiranës ka ndërmarrë një aksion për dezinsektimin e hapësirave publike nga mushkonjat dhe insektet, në të gjitha zonat e Tiranës.
Në një lidhje të drejtëpërdrejtë me emisionin “Sot Live në Shqipëri” në Report TV, Rozafat Sopaj, drejtor i Shërbimeve në Bashkinë e Tiranës kërkon të qetësojë qytetarët.
“Karkaleci nuk është një nga shqetësimet kryesore që ka bashkia e Tiranës pasi insektet janë masive në të gjithë kohën e vitit. Karkaleci ndër ta është ndër më të padëmshmit. Më shqetësim është mushkoja e miza si transmetues të viruseve sesa karkaleci”
Prej marsit në mënyrë periodike, bashkia e Tiranës vijon dezinsektimin e zonave publike.
Por pse ky shpërthim karkalecash?
Është një karkalec migrator që ka përfshirë jo vetëm Tiranën por të gjithë Ballkanin. Nuk është shqetësues, nuk pickon. Nuk është i dëmshëm në masë as për bujqësinë. Nuk kemi çfarë i bëjmë se është migrator. Sepse karkaleci në habitatin e vet e ka në zonat bujqësore, por këtij lloj karkaleci i pëlqen drita. Por nuk është shqetësues, pavarësisht bezdisjes" tha Rozafat Sopaj
Megjithatë Bashkia ka marrë masa për dezinsektimin e zonave publike. Ekipet gjatë natës janë në terren për të dezinsektuar zonat problematike apo ku administratorët shprehin shqetësimin.
“Ju siguroj që brenda muajit gusht, në 15 ditëshin e dytë të muajit gusht nuk do të dëgjoni më të flitet për karkaleca. Ju siguroj që produktet që përdorim ne për dezinsektim janë të certifikuara” tha Rozafat Sopaj, drejtor i Shërbimeve në Bashkinë e Tiranës për gazetarin Nertil Agalliu.
Komente
Po te ishte migrator ky fenomen do te ishte i pervitshem me keto permasa,kurse ky fenomen verehet vetem kete vit! Kujdes me sperkatjet se demtoni dhe zogjte e bletet dhe insekte te tjera te dobishme!
PërgjigjuUne per vete te Fresku rri e inswkte si sivjet nuk kemi pas asnje vit. Dyshoj se bashkia sivjet ska bere dezinsektim fare, tani ka fillu. Varja, si plot gjera te tjera
PërgjigjuPa problem do kaloj.
PërgjigjuDo rugullihet qeveria do punoj oer popullin
PërgjigjuE do dhe karkaleci i shkrete nje ekspres.
PërgjigjuPo bashkia Shkoder pse nuk ben dizinsektimin? Edhe ne Shkoder jane shtuar tej mase, edhe ne pallate.
Përgjigju