Ka përfunduar java e 24-t në Kategorinë e Parë. Grupi A ka regjistruar 3 barazime dhe fitoren e thellë të Kastriotit, që ka mundur 3-0 Erzenin. Dinamo ka barazuar në fushën e saj pa gola me Besëlidhjen. Kastrioti shkon në +11 pikë nga vendi i dytë dhe thuajse është në Superiore. Por më shumë interes paraqisnin ndeshjet e “play-out”-it. Vllaznia B kishte shansin t’i shkëputej Tërbunit, pasi luante me Besën në fushën e saj dhe luajti me disa lojtarë të ekipit të parë. Skuadra e Krajës përmbysi rezultatin nga 0-1 në 3-1, por më pas u befasua, pasi Besa ka reaguar dhe ka barazuar 3-3. Në Burrel, ekipi vendës barazoi pa gola me Tërbunin. Matjanët shpërdoruan një penallti në fundin e ndeshjes.
GRUPI A
Play-off
Kastrioti-Erzeni 3-0
Mulaj 4′, Lilaj 29′, Kabiru 34′
Dinamo-Besëlidhja 0-0
Egnatia pushim
Play-out
Vllaznia B–Besa 3-3
Gocaj 32′ , Pusi 39′, 50′ / Mihani 4′, Onuh 70′, Bakalli 74′
Burreli–Tërbuni 0-0
Korabi pushim
Grupi B i Kategorisë së Parë ka luajtur 3 ndeshje në kuadër të javës së 24-t, ku në grupin “play-off”, Tomori i vendit të pestë ka fituar në shtëpi përballë Pogradecit duke u ngjitur në vendin e tretë. Bylisi është lënë pushim këtë javë, ndërkohë që ndeshja Tirana-Apolonia do të luhet të mërkurën. Në grupin e “play-out”-it, Naftëtari ka fituar në shtëpi përballë Shënkollit kryesues duke u ngjitur me një vend në renditje, ndërsa Shkumbini ka humbur ndaj Turbinës në Peqin. Pushim është lënë ekipi i Ilirisë.
GRUPI B
Play-off
Tomori-Pogradeci 2-1
4′ Mitraj, 15′ Hyseni / 6′ Çerepi
Play-out
Naftëtari-Shënkolli 2-1
48′ Behari 50′ Gega / 13′ Ujka
Shkumbini-Turbina 2-3
24′ Pashaj, 50′ Xhyra / 64′ Xhelili, 71′ Çota, 91’ Gjoka