Çdo mbrëmje në orën 11:00, në emisionin ‘Botërori, No Stop’ në Report Tv do të keni mundësi që të ndiqni momente më pikante të çdo sfide të kampionatit botëror ‘Katar 2022’. Janë zhvilluar plot 4 ndeshje dhe rezultatet janë si më poshtë.
Goli i Zielinskit dhe Levandovskit për herë të parë në Botëror i dha tre pikët e para Polonisë në Katar 2022. Europianët mposhtën 2-0 Arabinë Saudite.
Më këtë fitore Polonia ngjitet në vendin e parë në grupin C të paktën përkohësisht. Sfida tjetër e këtij grupi është mes Argjentinës dhe Meksikës.
Ndërkohë më herët për llogari të grupit D Australia mposhti 1-0 Tunizinë. Një gol i Djuke u dha tre pikët e para australianëve në këtë Botëror dhe i fut në garë për të kaluar më tej.
Argjentina fitoi 2-0 me Meksikën duke marrë 3 pikë. Ndërkohë, fitorja kundër Danimarkës e bëri Francën kombëtaren e parë që siguron turin e 1/8 të Botërorit të Katarit.
