Çdo mbrëmje në orën 11:00, në emisionin ‘Botërori, No Stop’ në Report Tv do të keni mundësi që të ndiqni momente më pikante të çdo sfide të kampionatit botëror ‘Katar 2022’. Janë zhvilluar plot 4 ndeshje dhe rezultatet janë si më poshtë.
Argjentina dhe Polonia janë dy skuadrat e kualifikuara për në fazën e 1/8 në grupin C. Kjo sepse argjentinasit mposhtën 2-0 Poloninë në ndeshjen e fundit të grupit, duke u renditur e para me 6 pikë.
Meksika fitoi 1-2 me Arabinë Saudite në grupin C të Kupës së Botës. Golat e Martin dhe Chavez nuk e ndihmuan skuadrën nga Amerika e Veriut që të kalonte në 1/8 e Botërorit.
Tunizia fitoi 1-0 me Francën në grupin D të Kupës së Botës. Një gol i Khazri në minutën e 58 të ndeshjes i dha tri pikë afrikanëve në "Education City Stadium" të Al Rayyan.
Australia fitoi 1-0 me Danimarkën në grupin D të Kupës së Botës, me "Kangurët" që kalojnë në fazën me eleminim direkt. Një gol i Leckie vulosi tri pikët për Australinë në ndeshjen e fundit të grupit D. Kësisoj australianët e trajnerit Arnold kalojnë në 16 skuadrat më të mira të botës.
