Hansi Flick do vijojë të jetë trajner i kombëtares gjermane të futbollit, paçka dështimit të tij në stolin e katër herë kampionëve të botës. 57 vjeçari nuk ia doli të dërgojë skuadrën në fazën me eleminim direkt në Botërorin e Katarit, duke u renditur në vendin e tretë në grupin E dhe pa marrë të drejtën e vijimit të garës. Lajmi për vijimin e kontratës me trajnerin konfirmohet nga federata gjermane.
Pas shkakrimit të Oliver Bierhoff nga posti i drejtorit teknik të ekipit kombëtar, mediat gjermane njoftuan se edhe Flick mund të largohej por një gjë e tillë nuk ka ndodhur pasi trajneri është konfirmuar në stol me objektivin e qartë për Europianin 2024.
Në grup me Spanjën, Kosta Rikën dhe Japoninë, gjermanët s'ia dolën të vijonin më tej. Ish-trajneri i Bayern Munich, Flick ka prej gushtit të 2021 në stolin e Gjermanisë duke e drejtuar ekipin në 19 takime për një mesatare 2.05 pikë për ndeshje.
