Sfida jetike janë ato të sotmet në Kupën e Botës për Gjermaninë e Belgjikën. Të dyja ekipet nëse duan të kalojnë në 1/8 e “Katar 2022” duhet të fitojnë patjetër ndeshjet respektive.
Në emisionin “E vëmë me bast” në Report Tv Andrea Marko specialist futbolli parashikon fitoren e Gjermanisë me Kosta Rikën por thotë se Japoni-Spanjë del barazim. Për “Mjeshtrin e Madh” të futbollit Maroku e mund Kanadanë dhe kualifikohet ndërsa sipas tij Belgjika e fiton përballjen direkte me Kroacinë.
Moderatori Andi Kapxhiu parashikon fitore të Gjermanisë, Spanjës e Marokut ndërsa mendon se Kroaci-Belgjikë mbyllet barazim e ballkanasit avancojnë.
Nga publiku nuk e diskutojnë fitoren e Gjermanisë dhe Spanjës , pjesa më e madhe e telefonuesve i “japin” fitoren Kroacisë ndaj Belgjikës ndërsa janë të ndarë për Kanada-Marok.
Parashikimet për 4 ndeshjet e sotme në ‘E vëmë me bast’
SI.E./ReportTv.al