Pas shiriti të kapitenëve ‘One Love’ një tjetër skandal është shënuar në Katar ku po mbahet Botërori i 22 në histori.
Brenda dhe jashtë stadiumit, teksa në program ishte ndeshja Iran-Uells, janë ndalur disa bluza të cilët kishin shkrime për të mbrojtjen e të drejtave të grave. Kjo si mesazh për regjimin në Iran, por që me të pikasur janë hequr nga policët dhe forcat e sigurisë në Katar.
Në bluze shkruhej “Liri për gratë”, ndërsa gjatë ndeshjes po brenda stadiumit u konfiskuan edhe disa flamuj. Pikërisht sot është edhe dita ndërkombëtare për mbrojtjen e të drejtave të grave.
Kjo ndodhi në sytë e FIFA-s, që pak ditë më parë kërcënoi edhe për shiritin e kapiteni ‘one love’. FIFA tha se nëse kapitenët e disa kombëtareve do ta mbanin atëherë do ndëshkoheshin me karton të verdhë.
Shiriti ‘one love’ simbolizon gjithëpërfshirjen, pa përjashtuar as homoseksualitetin, i palejuar në Katar.
