Kategoria e Parë e futbollit në Shqipëri vijoi këtë të shtunë pesë nga gjashtë ndeshjet e javës së 19-të. Me fillim në orën 13:30 në pesë qytete të vendit skuadrat matën forcat mes tyre.
Në Fier, Apolonia fitoi 1-0 me Luzin e Vogël falë golit të Omerit. Në Lushnjë, djemtë e Maganit u mposhtën 0-2 nga Bylis, me mallakastriotët që janë në krye të klasifikimit. Dopieta e Aboubacar nderoi të besuarit e Bellait, që i bëjnë presin AF Elbasanit.
Tri pikë edhe për Besën, që në stadiumin e Luzit mposhti Tomorin. Vora fitoi 4-2 me Kastriotin, ndërsa Burreli mposhti Korabin 1-0 me golin e Kastratit.
Bylisi me 45 pikë prin klasifikimin, ndjekur nga AF Elbasani me 42 pikë. Verdheblutë luajnë nesër në 17:00 me Flamurtarin, teksa Bylis ka edhe një ndeshje më pak. Në fund të renditjes Besa, Kastrioti, Tomori dhe Luzi i Vogël.
Kategoria e Parë, raundi 19-të:
E shtunë 13:30
Besa 2-0 Tomori
Apolonia 1-0 Luzi i Vogël
Lushnja 0-2 Bylis
Vora 4-2 Kastrioti
Burreli 1-0 Korabi
E diel
17:00 AF Elbasani - Flamurtari
