Niveli i dytë i futbollit në Shqipëri, Kategoria e Parë zhvilloi këtë të shtunë tre nga gjashtë ndeshjet për raundin e 17-të.
Në stadiumin e Bajram Currit, KF Valbona u mposht 0-1 nga Flamurtari. Ndeshja ishte dramatike dhe përballja në "Vëllezërit Gega" u vendos nga Vasil Shkurtaj, me sulmuesin që shënoi në minutën e gjashtë të shtesës.
Në Peshkopi vendasit e Korabit fituan 2-1 kundër Kukësit. Mziu dhe Marku shënuan për vendasit në pjesën e dytë, teksa Mario Beshiraj shkurtoi për kuksianët, por goli në fund shërbeu sa për statistika.
Në "Roza Haxhiu" të Lushnjës vendasit humbën 0-1 nga Burreli. Arango në fundin e pjesës së parë shënoi golin e vetëm të ndeshjes, për të konfirmuar se ekipi i drejtuar nga Ditmar Bicaj është surpriza e këtij sezoni.
Të diel në orën 13:30 luhen tre ndeshjet e radhës për të përmbyllur këtë vit edhe në Kategorinë e Parë.
Kategoria e Parë, raundi 17-të:
E shtunë, 21 dhjetor 2024 - 13:30
KF Valbona 0-1 Flamurtari
Korabi 2-1 Kukësi
Lushnja 0-1 Burreli
E diel, 22 dhjetor 2024 13:30
Besa - Apolonia
Kastrioti - Erzeni
Pogradeci - Vora
Renditja:
Komente
