Kategoria e Parë e futbollit zhvilloi këtë të dielë tre nga ndeshjet e para për javën e katërt të sezonit. Te tri pikët dolën Lushnja, Burreli dhe Korabi.
Në "Loni Papuçiu" u luajt derbi i Myzeqesë, me vendasit e Apolonisë që u mundën 0-1 nga Lushnja e Gugash Maganit. Një gol i Hidës në minutën e 15-të vendosi gjithçka, teksa lagunarët ngjiten në kuotën e shtatë pikëve.
Në Burrel vendasit fituan 2-1 kundër Pogradecit. Gjithçka ka ndodhur në fundin e ndeshjes, ku për vendasit zhbllokoi gjithçka Ferruku në të 88 minutë, para se Panadic të barazonte në shtesën e shtatë. Vendasit gjetën sërish gol me Xhakaj në shtesën e dhjetë për të marrë fitoren e dytë këtë sezon.
Në "Tofik Jashari" të Shijakut vendasit e Erzenit humbën 0-2 nga Korabi. Skuadra nga Peshkopia shënoi dy gola në pjesën e parë me Peraltën dhe Andoni. Java e katërt e Kategorisë së Parë mbyllet të hënë.
Renditja:
