Futbolli në Shqipëri nisi javën e tretë në Kategorinë e Parë. Në Kukës, vendasit nuk shkuan më shumë se barazimi 1-1 kundër Lushnjës, ndërsa Skënderbeu fitoi 2-0 kundër Ilirisë, për të marrë përkohësisht kreun e renditjes.
Në stadiumin e Kukësit, vendasit dolën me një pikë duke barazuar 1-1 kundër Lushnjës. Ishin lagunarët që kaluan të parët në epërsi pas vetëm 15 minutash me të përhershmin Mikel Canka. Verilindorët u përgjigjën me Junior në minutën e 32-të.
Në Korçë, Skënderbeu fitoi 2-0 kundër Ilirisë së Fushë-Krujës për të marrë kreun e renditjes, të paktën momentalisht. Nasr në minutën e 9-të dhe Cuçka në minutën e 73-të ishin autorët e golave për të besuarit e Ernest Gjokës.
Raundi i tretë i Kategorisë së Parë mbyllet sot me katër takime, ku spikat Pogradeci - Laçi apo edhe Besa - Apolonia.
Kategoria e Parë, raundi 3:
E premte, 12 shtator 2025
Kukësi 1-1 Lushnja
Skënderbeu 2-0 Iliria
E shtunë, 13 shtator 2025 - 16:00
AF Luftëtari - Burreli
Besa - Apolonia
Kastrioti - Korabi
Pogradeci - Laçi
Renditja:
Komente
