Ka marrë fund pas 4 ndeshjesh aventura e trajnerit Milos Kostiç me Luftëtarin. Pas një mbledhje ditën e sotme klubi ka vendosur të shkëpusë marrëdhëniet me sllovenin, i cili në drejtimin e gjirokastritëve nuk ka grumbulluar asnjë pikë në Superligë.
Mësohet se kontrata është ndërprerë me marrëveshje pavarësisht se ishte e nënshkruar për 3 vite. Kostiç do të marrë një shumë për të cilën është rënë dakord, ndërsa do të vijojë të stërvisë skuadrën deri në emërimin e trajnerit të ri, që pritet të zyrtarizohet shumë shpejt.
Favoriti kryesor për të marrë drejtimin e klubit gjirokastrit është vlonjati gentian Mezani, por nuk përjashtohen edhe surprizat. Ky është viti i dytë radhazi që Luftëtari shkarkon një trajner të huaj pak javë pas nisjes së kampionatit. Sezonin e kaluar fatin e Kostic e pësoi Luis Curbello.
Komente
