Kavajë- Asgjësohen 530 bimë kanabis që ishin kultivuar në fshatin Bardhorë. Bimët vaditeshin me një tub që ishte lidhur në mënyrë të paligjshme me linjën e ujit të pishëm.
Në pranga është vendosur 61 vjeçari Idriz Boci, banues në Rrogozhinë, me detyrë faturist uji, pasi nuk ka raportuar për ndërhyrjen në tubacionet e ujit dhe dyshohet si bashkëpunëtor në kultivimin e bimëve narkotike, njoftoi sot policia.
Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të përfshirë në këtë veprimtari kriminale.
Materialet procedurale i kaluan Prokurorisë, për veprime të mëtejshme.
Komento
Komente
