Kavajë- Operacion për lirimin e hapësirave publike po zhvillohet edhe në qytetin e Kavajës.
Policia vendore njoftoi sot se në kuadër të aksionit të koduar “Plazhi i lirë”, shërbimet e Komisariatit, në bashkëpunim me Policinë Bashkiake, kanë ushtruar kontrolle në zonën urbane dhe bregdetare.
Nga kontrollet u konstatuan disa hapësira në rrugë, të cilat ishin përshtatur për ambiente me qëllim përfitimin, pa leje nga organet kompetente.
“Qytetarët që i kishin zënë këto hapësira, i liruan ato, me mirëkuptim”, tha policia, teksa nuk ka pasur persona të proceduar penalisht.
Zyrtarët e Drejtorisë Vendore të Policisë Durrës konfirmuan se “do të vijojë kontrollet për të ndaluar çdo shkelje që cenon hapësirat publike dhe sigurinë e pushuesve. Ftojmë qytetarët të denoncojnë çdo rast paligjshmërie, në numrin 112”.
Komente
