DURRËS - Një rast i shitjes së kokainës është zbuluar nga policia e Durrësit në bashkëpunim me Prokurorinë në qytetin e Durrësit.
Në kuadër të megaoperacionit ‘Tempulli’ u kapën në flagrancë dy shtetas në një berberhane ma një sasi kokaine.
U vu në pranga pronari i berberhanes dhe një shtetas tjetër të dy 28 vjeç: Xhavit Llulla dhe Muhamed Sinka, banues në Kavajë.
'Pas një hetimi të kryer nga Seksioni për Hetimin e Narkotikëve i DVP Durrës, në bashkëpunim me Prokurorinë e Durrësit, në kuadër të megaoperacionit kombëtar antidrogë të koduar “Tempulli", u kapën në flagrancë dhe u vunë në pranga shtetasit Xhavit Llulla 28 vjeç dhe Muhamed Sinka,28 vjeç, të dy banues në Kavajë.
Në subjektin (berberhane) në pronësi të shtetasit Xhavit Llulla, shërbimet e Policisë gjetën një sasi kokaine, të ndarë në dhjetëra doza, me qëllim shitjen, si dhe 1 peshore elektronike që shërbente për këtë veprimtari kriminale.', thuhet ndër të tjera në njoftimin e policisë.
Në berberhanen e Llullës u gjet një sasi kokaine e ndarë në doza gati për shitje dhe një peshore elektronike që u sekuestruan së bashku me 4 celularë. Materialet proceduriale i janë kaluar Prokurorisë.
