Receta

Kek i kripur me perime dhe djathë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

5 Shtator, 12:05| Përditesimi: 5 Shtator, 12:06

  • Share

Kek i kripur me perime dhe djathë

Përbërësit:

  • 1 spec i kuq
  • 1 spec jeshil
  • 1 domate ose 6 domate qershi
  • 4 vezë
  • 100 ml vaj ulliri
  • 200 ml qumësht
  • 300 gr miell
  • 1 bustinë pluhur pjekës
  • 100 gr djathë i bardhë
  • Bimë aromatike
  • Kripë, piper

Përgatitja:

Presim specat në kubikë të vegjël, gjithashtu edhe domatet. Në një tas të madh rrahim vezët me kripë, piper, vaj ulliri dhe qumësht. Shtojmë miellin dhe pluhurin pjekës, i përziejmë derisa të bëhet një masë homogjene. Shtojmë rigonin, specat, domatet dhe djathin e bardhë të thërrmuar. I përziejmë mirë që masa të bëhet e njëtrajtshme. Hedhim përzierjen në një tavë të lyer me vaj, sipër e spërkatim me pak djathë. E pjekim në furrë në 180°C derisa keku të marrë ngjyrë të artë.

MC/ReportTv.al
Komento

Komente

  • Sondazhi i ditës:

    A jeni dakord me propozimin e Ramës për heqjen e depozitave të ujit nga pallatet?