Kek me karrota dhe limon
Përbërësit:
- 3 karrota
- 300 gr miell
- 150 gr sheqer
- 3 vezë
- 1 lç kanellë
- 100 ml vaj bimor
- 1 limon
- Pluhur pjekës
Për dekor:
- 200 gr çokollatë e bardhë ose me qumësht
- 10 ml vaj bimor
Përgatitja:
Rrahim vezët bashkë me sheqerin, më pas shtojmë karrotat e grira në rende me vajin dhe lëngun e limonit. Miellin e situr e shtojmë gradualisht me pluhurin pjekës dhe kanellën. E trazojmë me spatula dhe e kalojmë brumin në formë të lyer me vaj. E vendosim në furrë në temperaturën 180 gradë Celsius për 45 minuta.
Ndërkohë çokollatën e vendosim në një enë qelqi ku poshtë saj kemi një tenxhere me ujë të nxehtë. E shkrijmë çokollatën me pak vaj dhe pasi keku të jetë pjekur e hedhim mbi të.
Komento
