Ndonëse u sqaruar se “Mëngjesi i Lutjeve” i organizuar çdo vit në SHBA, është produkt i një OJF-je dhe jo i Departamentit të Shtetit, politikanët shqiptarë vijojnë të hedhin foto me kongresmenë dhe senatorë amerikanë, të cilët nxirren në foto, edhe pse as nuk e kanë idenë se me kë po dalin dhe se çfarë roli kanë ata që kërkojnë për të pozuar.
Sot ka qenë radha e setit të dytë të fotove, kryesisht të “delegacionit” të Partisë së Ilir Metës në Washington.
Por ajo që të bie në sy në këto foto, është prezenca e vajzës së Metës në këto foto.
Se me çfarë statusi ka udhëtuar ajo për SHBA, ende nuk është e qartë, por kaq ka mjaftuar për dy politikanë të së djathtës, të ardhur nga shtresa e ish-të përndjekurve, për të përfituar nga rasti dhe për të dalë në foto me vajzën e Ilir Metës dhe Monika Kryemadhit.
Belind Këlliçi dhe Tomor Alizoti duket se u ka shkuar udhëtimi kot deri në SHBA, sepse një foto me vajzën e Metës mund ta kishin siguruar edhe në Tiranë dhe t’ua ‘shisnin’ mbështetësve të tyre si mbështetje të babait të saj për kandidaturat e tyre në krye të “Foltores”.
Me sa duket, Këlliçin e bashkon me babin e Borës, hetimi i nisur për të dy nga SPAK-u, ndërsa Alizoti është histori tjetër, se ky niset për të dëbuar Berishën nga PD-ja, me idenë që nuk do ta lërë Saliun ta kthejë PD-në në OJF, pastaj vete ul kokën dhe lëpin atje ku ka pështyrë, ndaj për Alizotin është e “vështirë” të flasësh se çfarë bën dhe çfarë artikulon, se ai të nesërmen s’mban mend dhe me të njëjtin teatralitet të jep mend për të kundërtën e asaj që ka thënë një ditë më parë.
Gjithsesi, Meta e ka çuar vajzën për të lobuar dhe për të marrë mbështetje për veten e vet, por këta dy që e mbajnë veten si të PD-së çfarë duan në foto me vajzën e Ilir Metës dhe me “delegacionin” e Partisë së Lirisë?/TemA
Komente
Mos u shiko gunën por surratin. Fjalë e urtë -populli
PërgjigjuOre ca kuptimi ka mengjesi i lutjeve ne amerik per cfar luten Vetem ata qe bejn mekate luten qe tua fal zoti zullumet Ne fakt zullume kan bere si amerikanet ne te gjith boten Por dhe keta zullumqaret tane kan ber shum zullume me popullin shqiptar
PërgjigjuNuk shohim ndonjë nga shtresa e të përndjekurve në atë foto.