Ditën e sotme Kryeministri Edi Rama ka vijuar të shpërndajë në rrjetet e tij sociale videon me ironitë e përditshme ndaj Berishës me simbolikën e bufit. Në video shihet drejtuesi politik i Tiranës Belind Këlliçi që thotë gjatë një takimi me qytetarët se Berisha po dha fjalën e mban, duke thurrur lavdërime për kreun e PD-së.
Ajo që bie më shumë në sy është reagimi një qytetari gjatë takimit që bën një shenjë ironike ndaj fjalës së Këlliçit ku shprehet mosbesimi për fjalët që ai thotë.
Në video paraqitet fjala e Këlliçit në takimin e anëtarët e PD-së në Njësinë 9 i zhvilluar në 1 Prill.
‘Ju e dini që doktor Berisha e ka diçka në këto 34 vite, të karrierës së tij politike. Po e dha fjalën ai e mban dhe pa diskutim të gjitha zotimet që do të japim sot këtu do të mbahen në 100 ditët e para të qeverisjes tonë të Partisë Demokratike.’-thotë Këlliçi në video.
Komente
