Carlos Alcaraz është kampioni i ri i Wimbledon në tenis. Talenti spanjoll mposhti dje Novak Djokovic 3-2 në një finale dramatike dhe plot emocione në turneun më prestigjioz në sportin e tenisit, me përballjen që zgjati 4 orë e 40 minuta.
Në lidhje me këtë sukses të bashkëkombasit të tij, ka reaguar edhe Rafael Nadal me një mesazh urimi dhe inkurajimi.
"Urime Carlos, na ke dhuruar një kënaqësi të jashtëzakonshme dhe jam i sigurt se pionieri i tenisit spanjoll, Manolo Santana gjithashtu ka festuar atje ku është këtë Ëimbledon që tashmë edhe ti e ke fituar dhe e ke pjesë të karrierës tënde. Të dërgoj një përqafim të fortë dhe shijoje momentin, kampion", shkroi Nadal.
Alcaraz bëhet tenisti i tretë spanjoll që e fiton Wimbledon pas Manolo Santanas në vitin e largët 1965 dhe Rafael Nadal që e ka fituar dy herë në vitet 2008 dhe 2010.
