Shumica prej nesh ndjekin këtë procedurë kur lajnë flokët: thjesht aplikojmë shampon, i fërkojmë flokët për disa sekonda dhe i shpëlajmë, duke besuar se kjo është mënyra më e mirë për t’i pastruar.
Megjithatë, kjo metodë mund të mos jetë aq efektive sa mendojmë dhe mund të ketë efekte negative në shëndetin e flokëve.
Gabimi më i zakonshëm që bëjmë është të aplikojmë shampon në të gjithë gjatësinë e flokëve, duke filluar nga rrënja deri te majat, pa marrë parasysh natyrën e pjesëve të ndryshme të flokëve. Por ekspertët thonë se kujdesi i duhur i flokëve fillon nga skalpi dhe jo nga majat.
Arsyeja për këtë është e thjeshtë: skalpi është vendi ku akumulohet sebumi. Kur pastrojmë në mënyrë efektive rrënjët, lëkura e kokës mbetet e shëndetshme, ndërsa flokët mbeten më pak të yndyrshëm. Përkundrazi, gjatësia dhe majat e flokëve, të cilat shpesh janë më të thata, nuk kanë nevojë për produkt shtesë, pasi shampoja që shpëlahet nga skalpi i kokës largon natyrshëm papastërtitë dhe yndyrën e tepërt nga pjesa tjetër e flokëve.
Procedura e duhur për një rezultat të shëndetshëm është të aplikoni shampon vetëm në skalpin e kokës/rrënjë dhe ta lini të ‘rrjedhë’ përgjatë flokëve gjatë shpëlarjes.
Kështu sekreti për flokë të shëndetshëm dhe me shkëlqim nuk është thjesht larja e shpeshtë me shampo gjatë gjithë gjatësisë, por fokusimi në skalpin e kokës.
Komente
Po me leshin e koqeve si veprohet ?
Përgjigju