LEZHE- Një konflikt për pronën mes dy vëllezërve për pak sa nuk është kthyer në një tragjedi. Një 36-vjeçar me iniciale E.P., në fshatin Troshan në Lezhë, pas konfliktit me vëllanë e tij K.P.,30 vjeç, ka qëlluar me kallashnikov në ajër në oborrin e banesës.
Në momentin kur ka parë forcat e policisë të cilat ishin njoftuar nga fqinjët e dy vëllezërve, 36-vjeçari ka hedhur armë dhe është larguar me shpejtësi nga banesa por është vënë në pranga pas disa orë ndjekeje në malin e Troshanit.
"Në cilësinë e provës materiale u sekuestrua dhe arma e zjarrit automatik dhe 354 fishekë. Materialet procedurale i kaluan Prokurorisë së Rrethit Gjyqësor Lezhë, për veprime të mëtejshme për veprat penale "Kanosja" dhe "Armëmbajtje pa leje", njofton policia.
Komento
Komente
