SHKODËR-Pas kërkesës së Prokurorisë, bëhet e ditur se Valdin Pjetri ka dhënë shenjat e gishtërinjve në Institutin e Policisë Shkencor në Shkodër, në varësi të Ministrisë së Brendshme.
Lajmi është konfirmuar për gazetaren e Report Tv, Xhensila Kodra. Bëhet e ditur se tashmë këto shenja të gishtërinjve do të krahasohen me ato që priten të mbërrijnë nga autoritetet italiane, ku do të zbardhet e vërteta ligjore lidhur me akuzat e bëra nga PD-ja. Këta të fundit kanë publikuar një dokument, sipas të cilëve është marrë nga kuestura e Firences dhe tregon se kryebashkiaku i Shkodrës Valdrin Pjetri ka qenë dënuar në Itali me 18 muaj burg dhe një mijë euro gjobë për shpërndarje droge.
Valdrin Pjetri u tërhoq nga marrja e detyrës, pikërisht pas këtyre akuzave. Lidhur me këtë ka pasur një reagim edhe nga ana e kryeministrin Edi Rama, i cili njoftoi se Pjetri dhe PS-ja i kanë rrugët e ndara. Me tërheqjen e tij, Shkodra vijon të drejtohet nga Voltana Ademi, edhe pjesë me një Këshill Bashkiak me shumicë socialiste.
Konstituimi i Këshillit u bë ditën e djeshme në ambientet e bibliotekës së universitetit "Luigj Gurakuqi", ku nuk munguar përplasjet e mbështetësve të PD-së me uniformat blu.
Komente
