Një 47-vjeçar nga Kosova, i cili ishte shpallur në kërkim ndërkombëtar është arrestuar në pikën kufitare të Morinës, pasi akuzohet për vjedhje në rrethana cilësuese.
Sipas policisë, i arrestuari është shtetasi me iniciale H. H. (K)., 47 vjeç, banues në Smolicë, Kosovë.
"Ky shtetas ishte shpallur në kërkim ndërkombëtar, pasi Gjykata Lokale Geilenkirchen/Gjermani i ka vendosur masën e sigurimit ‘Arrest në burg’, për veprën penale “Vjedhja në rrethana rënduese”. Maksimumi i dënimit për këtë vepër penale është 10 vjet burg", thuhet në njoftimin e policisë së Kukësit.
Arrestimi i 47-vjeçarit u bë me qëllim ekstradimi në Gjermani.
Komento
