FIER - Babë e bir nga Fieri kanë rënë në prangat e policisë. Burime për Report Tv, bëjnë me dije se në pranga ka rënë Ahmet Isufaj, i cili kërkohet nga drejtësia kosovare nën akuzën e krimit të organizuar dhe trafikut të lëndëve narkotike. Së bashku me të është arrestuar edhe djali i tij, A.Isufaj, 33-vjeç. Të njëjtat burime bëjnë me dije për Report Tv, se i arrestuari Ahmet Isufaj është një njeri shumë i afërt (xhaxhai) me biznesmenin fierak Arben Isufaj i njohur edhe si “Ben Qimja”.
Ndër të tjera Policia e Fierit njoftoi se Ahmet Isufaj ishte shpallur në kërkim ndërkombëtar për veprat penale "Krim i organizuar", "Blerje, posedim, shpërndarje dhe shitje e paautorizuar e narkotikëve të rrezikshëm". Nga kontrolli atij iu gjetën një armë zjarri pistoletë, një krehër me 15 fishekë dhe një mjet prerës (biçak).
Ben Qimja njihet si njeriu që është përballur disa herë me policinë, prokurorinë dhe gjykatat, ku akuzat kanë qenë për trafik ndërkombëtar droge, vrasje, etj. Disa herë ai ishte arrestuar në Shqipëri me sasi të mëdha marijuane, ndërsa ka pasur edhe përballje me policinë. Në vitin 2009 u vendos edhe fati i tij përfundimtar kur Gjykata e Shkallës së Parë Tiranë, e la të lirë për mungesë provash.
Pas caktimit të një mase sigurie të përkohshme, dhe procedurave të mëtejshme nga autoritete shqiptare, dy të arrestuarit pritet të ekstradohen drejt Kosovës.
Komente
Qenka Ben Jevgu, jo qimja
Përgjigju