Pas letrës së dërguar ndaj presidentit francez dhe kancelarit gjerman për një shtysë të re nga BE për zbatimin e planit franko-gjerman si zgjidhje për tensionet Kosovë-Serbi, kryeministri Edi Rama ishte në një vizitë zyrtare Bruksel ku u takua me presidentin e Këshillit Europian, Charles Michel.
Në një foto të bërë publike me presidentin e Këshillit të Europës, kryeministri Edi Rama thotë se domosdoshmëria e de-eskalimit të menjëhershëm, që është rruga e fazës finale të dialogut mes Kosovës dhe Serbisë, duhet të kuptohet nga të dyja palët edhe si një detyrim madhor ndaj krejt rajonit, i cili nuk mund të merret peng nga askush.
Si për presidentin e KE-së dhe për kryeministrin Edi Rama, lirimi i tre policëve të Kosovës, nënvizon kryeministri shqiptar, ishte një lajm shumë i mirë, megjithëse i vonuar!
Presidenti i Këshillit Evropian, Charles Michel, tha pas një takimi me kryeministrin shqiptar Edi Rama se se është i nevojshëm një shtensionim urgjent në veri të Kosovës, sepse është në të mirë të gjithë Ballkanit Perëndimor.
"Dialogu me mbështetjen e BE-së dhe zbatimi i marrëveshjes duhet të vazhdojë shpejt. Pres që Këshilli Evropian të dërgojë një mesazh të qartë këtë javë", shkroi ai në llogarinë e tij në Twitter.
Tre ditë më parë një konferencë për mediat, Rama i cili kërkoi lirimin e 3 policëve të Kosovës që mbahen të burgosur në Serbi, bëri me dije gjithashtu se i kishte dërguar një letër Macron dhe Scholz ku u kërkonte që të ndërhynin për të bërë të mundur zbatimin e planit franko-gjerman për Kosovën.
Plani Franko-Gjerman ka qenë i vetmi propozim i hartuar nga dy prej liderve europianë, Emmanuel Macron dhe Olaf Scholz që është pranuar edhe kur dy palët nuk kanë patur asnjë marrëveshje. Plani Franko-Gjerman sipas Ramës, është baza për të arrirë marrëdhëniet dy palëshe mes Kosovës dhe Serbisë.
Kryeministri Edi Rama javë më parë bëri me dije se ka dorëzuar në zyrën e presidentit francez dhe kancelarit gjerman një draft-statut për Asociacionin e komunave me shumicë serbe në Kosovë. Drafti u prit mirë nga BE që e konsideroi si një propozim tepër serioz. Ndërsa Vuçiç dhe Kurti nuk u pajtuan me një propozim të tillë nga ana e Ramës. Presidenti serb tha se Rama nuk është i autorizuar për diçka të tillë, ndërsa Kurti tha se para se të bënte një propozim të tillë, kryeministri i Shqipërisë duhej të kujdesej për shqiptarët që ndodhen në Serbi dhe të dërgonte kërkesë për formimin e një Asociacioni të komunave me shumicë shqiptare në shtetin serb.
Pas takimit me Michel, kryeministri Edi Rama përcolli dhe mendimin e tij për lirimin e tre policëve të Kosovës, si një lajm shumë i mirë. Përmes një postimi në rrjetet sociale, Rama u shpreh se me Presidentin e Këshillit Europian, Charles Michel kanë një dakordësi në lidhje me këtë. Sipas Ramës, domosdoshmëria e shtensionimit të menjëhershëm është rruga e duhur drejt fazës finale të Dialogut për Marrëveshjen e Normalizimit mes Kosovës e Serbisë.
“Me Presidentin e Këshillit Europian, Charles Michel, ishim të një mendje se lirimi i tre policëve të Kosovës sot ishte një lajm shumë i mirë, megjithëse i vonuar! Domosdoshmëria e de-eskalimit të menjëhershëm, e cila është rruga e duhur drejt fazës finale të Dialogut për Marrëveshjen e Normalizimit mes Kosovës e Serbisë, duhet kuptuar qartë nga të dyja palët edhe si një detyrim madhor ndaj krejt rajonit, i cili nuk mund të merret peng nga askush”, shkroi Rama në Twitter.
Në Bruksel Kryeministri i Shqipërisë, Edi Rama, është pritur në takim nga Presidenti i Këshillit Evropian, Charles Michel.
Komente
Shpresojm qe e gjithe kjo gje te mbarojnsa me spejt
PërgjigjuJeni per tu vleresuar per keto takime dinjitoze qe po beni
PërgjigjuLajme te mira presim per keto dy shtete
PërgjigjuTe kemi sa me shume lajme te mira nga ky takim
PërgjigjuShembull per te gjithe liderat e tjere eshte kryeministri yne
PërgjigjuLider i cili flet sic duhet ne takime te tilla
PërgjigjuShpresojme te meren vendimet e duhura dhe te kemi lajme te mira
PërgjigjuAta police duhet te lirohen sa me shpejt sepse po mbahen pa te drejte ne shtetin serb
PërgjigjuUroj qe kryeministri te vi me lajme sa me te mira nga takimi ne Bruksel
PërgjigjuNje kryeminister qe eshte per tu mare shembull
PërgjigjuJe qe ne Bruksel futi ndonje propozim edhe per ceshtjen Wagner o lider !
PërgjigjuKy do veds nga dëshprimi se mos nuk po ndahet Kosova, tradhtar i pështirë
Përgjigju