Namik Velaj, 70-vjeçari që mbyti bashkëshorten e tij rreth dy vite më parë është fundosur përfundimisht nga provat e grumbulluara nga grupi hetimor.
Gazetari i Report Tv Arsen Rusta raporton se ai kishte kërkuar zhvarrimin e viktimës duke mohuar vrasjen. Por nga rizhvarrimi ka rezultuar se para se ta vriste, Velaj e ka dhunuar ish-bashkëshorten duke i thyer krahun dhe duke i shkaktuar lëndime në pjesën e qafës.
Tashmë dosja e tij ka përfunduar në apelin e Krimeve të Rënda ku do të jepet edhe vendimi final për 70-vjeçarin.
Kujtojmë se vrasja ndodhi në janar të 2017-ës në Fier, por Velaj u arrestua në mars të 2018, pasi vdekja e Verke Velaj, u raportua fillimisht si natyrale, version i konfirmuar edhe nga mjeku Ilir Tanki, i cili është marrë i pandehur për shpërdorim detyre.
Sipas Prokurorisë, kanë qenë familjarët e viktimës që kanë dyshuar për vdekjen e të ndjerës dhe kanë bërë denoncim në polici. Pas një viti hetime, rezultoi se Namik Velaj, e kishte mbytur me duar bashkëshorten dhe rreth qafës, kishte vendosur një shall për të fshehur shenjat e mbytjes.
Komente
