Arben Skënderi, anëtar i Kryesisë së PD

Këshilli Kombëtar i PD, tërhiqet edhe Arben Skënderi: Pseudogarë, PD-ja e sotme hibrid i 'Republikës së Re'

Anëtari i Kryesisë së PD, Arben Skënderi thotë se e ka mësuar nga mediat emrin e tij në listën e kandidatëve për anëtar të Këshillit Kombëtar dhe se akush nuk e nja njoftuar më parë. Duke njoftuar tërheqjen nga gara, Skënderi lëshon edhe akuza në drejtim të PD.

Redaksia

15 Dhjetor 2018, 15:17| Përditesimi: 15 Dhjetor 2018, 15:36

Tërhiqet nga kandidimi për anëtar të Këshillit Kombëtar të PD edhe Arben Skënderi, anëtar Kryesie i kësaj force politike, duke e çuar në shtatë numrin e demokratëve që refuzojnë këtë garë. Vendimin e tij, Skënderi e njofton përmes një postimi në rrjetet sociale ku thekson se është informuar përmes medias se emri i tij ndodhej në listën e 350 kandidatëve për një vend në Këshillin Kombëtar të PD. Ai shton gjithashtu se zgjedhjet e sotme në Kuvendin Kombëtar janë farsë, ndërsa akuzon PD-në se është kthyer në hibrid të "Republikës së Re" e cila funksionon në bazë të interesave personale dhe financiare.