Dy burra të maskuar kanë tmerruar familjen mbretërore. Ata kanë kaluar murin e sigurisë dhe kanë hyrë në fermën e Kështjellës Windsor afër shtëpisë së Kate Middleton dhe Princit William.
Ngjarja mësohet se ka ndodhur muajin e kaluar (13 tetor), por lajmi është bërë publik ditën e sotme.
Teksa Princi, Princesha dhe fëmijët ishin duke fjetur, hajdutët u ngjitën në një gardh natën dhe përdorën një kamion të vjedhur për të prishur portën e oborrit mbretëror dhe për të vjedhur automjetet e fermës, raporton The Sun.
Burrat dyshohet se u arratisën me një kamion ferme dhe një biçikletë që ishin në një hambar.
Porta e shkatërruar është disa minuta larg nga vila dhe familja mbretërore shihet rregullisht duke e përdorur atë, pasi është dalja më e afërt në shtëpinë e tyre.
“Rreth orës 23:45. të dielën, më 13 tetor, morëm një raport për një vjedhje në një pronë në tokën Crown Estate pranë A308 në Windsor. Sulmuesit hynë në një ndërtesë rurale dhe u larguan me një kamionçinë të zezë Isuzu dhe një biçikletë me kuadrate të kuqe", tha policia në një deklaratë.
William dhe Kate u transferuan në Cottage në verën e vitit 2022.
Foto: Kështjella Windsor
