Ruajtja e disa ushqimeve në frigorifer ngadalëson rritjen e baktereve dhe ndihmon në parandalimin e helmimit nga ushqimi. Por për disa ushqime është më mirë që të qëndrojnë në temperaturë ambienti.
Domatet
Të pasura me vitaminë C, kalium dhe lëndë ushqyese të tjera të shëndetshme, domatet e pjekura duhet të qëndrojnë në temperaturën e dhomës, veçanërisht nëse do t’i konsumoni ato një ose dy ditë në vijim, thotë dietologia Dana Green.
Patatet
Mos i ruani kurrë patatet në frigorifer. Ftohja e kthen niseshtenë e patates në sheqer më shpejt, dhe kur piqen ose skuqen, ato sheqerna mund të prodhojnë kimikatin akrilamid, i cili është i dëmshëm për shëndetin.
Bananet
Nëse keni vendosur ndonjëherë një banane në frigorifer, e dini se ajo merr ngjyrë kafe të errët, gjë që duhet t’ju tregojë se nuk është menduar të ruhet në frigorifer. Bananet, të cilat zakonisht blihen para se të piqen, piqen në temperaturën e dhomës. Por ftohja e ngadalëson këtë proces.
Borziloku
Bimët si borziloku, rozmarina do të thahen shumë shpejt dhe do të humbasin shijen e tyre nëse i mbani në frigorifer. Në vend të kësaj, vendosni barishtet larg rrezeve të diellit në një gotë të vogël me ujë në temperaturë dhome.
Qepët
Nëse nuk janë prerë ose qëruar, qepët duhet të ruhen në një vend të freskët, të thatë, të errët dhe të ajrosur mirë. Mungesa e ventilimit do të zvogëlojë jetëgjatësinë e tij.
![](https://www.report-tv.al/template/img/antipiracynote.jpg)