KFOR do të tërhiqet nga ruajtja e komunës së Zveçanit në veriun e Kosovës, me arsyetimin se gjendja në atë zonë është stabilizuar.
Kështu njofton misioni i NATO-s në Kosovë, KFOR, përmes një komunikate.
Ky organ ushtarak thekson se pjesëtarët e tij do të kryejnë patrullime të rregullta.
“Për të siguruar një mjedis të sigurt dhe të sigurt për të gjithë njerëzit që jetojnë në komunën e Zveçanit”, thuhet në komunikatën e KFOR-it.
KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të ofruar siguri për të gjitha komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme. KFOR-i është reaguesi i tretë i sigurisë, pas Policisë së Kosovës dhe misionit të BE-së për Sundimin e Ligjit (EULEX), përkatësisht, me të cilët autoritetet kosovare punojnë në koordinim të ngushtë.
NATO-ja shtoi praninë në veri pas tensionimit të situatës në muajin maj të vitit të kaluar.
Në atë kohë si pasojë e sulmit nga ana e banorëve serbë u lënduan dhjetëra pjesëtarë të KFOR-it.
Po ashtu NATO shtoi numrin e ushtarëve pas ngjarjes në Banjskë.
