Kina njoftoi të premten një sërë tarifash dhe kufizimesh shtesë ndaj mallrave amerikane si një kundërmasë ndaj tarifave gjithëpërfshirëse doganore të vendosura nga presidenti amerikan Donald Trump. Ministria e Financave e vendit tha se do të vendosë tarifa shtesë prej 34% për të gjitha mallrat amerikane nga 10 prilli, raporton Reuters.
Pekini njoftoi gjithashtu kontrolle mbi eksportet e elementeve të rralla të tokës, duke përfshirë samarium, gadolinium, terbium, dysprosium, lutetium, scandium dhe ittrium në Shtetet e Bashkuara, duke filluar nga 4 Prilli.
“Qëllimi i zbatimit të kontrolleve të eksportit nga qeveria kineze për artikujt përkatës në përputhje me ligjin është të mbrojë më mirë sigurinë dhe interesat kombëtare”, tha Ministria e Tregtisë në një deklaratë.
Si pjesë e masave hakmarrëse, Kina shtoi gjithashtu 11 kompani amerikane në "listën e saj të entiteteve jo të besueshme", duke përfshirë prodhuesit e dronëve.
Presidenti i SHBA ka njoftuar tarifat 54% ndaj Kinës, të cilat përfshijnë detyrimet e mëparshme tashmë të vendosura. Kjo e bën Kinën një nga vendet më të goditura në listën tarifore të SHBA.
Komente
