Kompania kineze CanSino Biologics deklaroi se një vaksinë e re kundër Covid-19 e prodhuar së fundmi është miratuar nga rregullatori i ilaçeve në vend, për përdorim urgjent si një përforcues. Versioni i vaksinës kundër Covid-19 ka marrë dritën jeshile nga Administrata Kombëtare e Produkteve Mjekësore, tha kompania të dielën.
"Miratimi do të ketë një ndikim pozitiv në performancën e kompanisë nëse vaksina blihet dhe përdoret më pas nga agjencitë përkatëse qeveritare," tha CanSino.
Por, e veçanta e kësaj vaksine është që thithet nga hunda, edhe pse ka përbërës të ngjashëm me atë që injektohet, duke përdorur një adenovirus të padëmshëm si bartës për kodin gjenetik që i mëson trupit se si të luftojë virusin.
Kompania paralajmëroi, megjithatë, se do të përballet me konkurrencë të ashpër nga vaksinat e tjera në Kinë që kanë marrë gjithashtu miratimin e qeverisë.
Cansino tha gjithashtu nuk është e pasigurt se kur vaksina do të mund të dalë në treg, pasi nevojiten ende miratime shtesë administrative, ndërsa shitjet do të varen nga situata e Covid-19 brenda dhe jashtë vendit, si dhe nga shkalla e vaksinimit në Kinë.
Infeksionet me COVID-10 kanë shënuar rritje në Kinë kohët e fundit. Vendi raportoi 1,848 raste të reja të koronavirusit më 3 shtator, duke përfshirë infeksione simptomatike dhe asimptomatike, krahasuar me 1,988 raste të reja një ditë më parë.
