Kisha e Shën Thanasit në fshatin Lëshicë të Përmetit, është thuajse e rrënuar. Ikonat e drunjta kanë mbetur si dëshmi e gjallë e ekzistencës së objektit të kultit qysh prej ngritjes së saj 120 vite më parë.
Sistemi komunist e shndërroi kishën në vatër kulture duke ndërhyrë në strukturën mbajtëse dhe ku shërbente për argëtimin e banorëve. Pas kaq dekadash rrënimi e ka kthyer objektin në një strehë për bagëti që shfrytëzohet nga banorët e zonës.
Prifti i zonës At Ilia Tyto, shpreh keqardhjen ndërsa apelon për rindërtimin e saj
“Më përpara ka qënë një kishë ë vogël, për martesat dhe pagëzimet. Kjo kishë ka ngëlur vetëm si muratur. Çdo gjë është e rrënuar, është 120 vjecare, ka qënë kishë e re por u bë shtëpi kulturë. Ndaj dua tu bëj thirrje njerëzve të rikthejmë këtë kishë sa më parë”, tha prifti.
Sektori i trashëgimisë kultutore në Gjirokastër tha për Report TV se kisha në fjalë nuk është në listën e objekteve të mbrojtura.
