ITALI- Policia e Bolonjas në një deklaratë për mediat ka dhënë detaje mbi hetimet që çuan në pranga katër shqiptarë, të cilët ishin pjesë e një bande që merrej me vjedhje banesash.
Në pranga kanë rënë: Klevjan Musaku, Klodian Mhilli , Xhoni Cani dhe Kreshnik Balloku. Kjo falë përgjimeve, ku Musaku i sugjeronte shokëve të tij që të shkonin në një shtëpi të re.
Të arrestuarit shqiptarë
Sipas mediave italiane, ndaj 4 shqiptarëve të moshës 19 dhe 31 vjeç, është ekzekutuar masa e arrestit me burg.
Banda e shqiptarëve akuzohet për 24 vjedhje në Bolonja duke shkaktuar kështu dëme me vlerë nga 3 mijë në 20 mijë euro për çdo rast. Goditjet janë kryer nga nëntori 2017 deri në shkurt 2018.
Mësohet se pjesëtarët e bandës nuk vepronin kurrë bashkë por të alternuar në grupe prej 2 apo 3 personash, me qëllim që banda të mos shpërbëhej.
Hetimet e policisë nisën në nëntorin e vitit të shkuar pasi grupi hetimor gjeti gjurmë gishtash në një apartament të vjedhur.
Komente
