TIRANË-Arben Dyla, kreu i Prokurorisë Lushnje, është shkarkuar nga shkalla e parë e vettingut për shkak të problemeve me pasurinë. KPK shkarkoi Dylajn pas debateve të seancës së kaluar 2 ditë më parë. Në këtë seancë u konstatua se prokurori paralelisht me 'drejtësinë' kishte bërë edhe 'bankën' duke dhënë 'kredi' për një tjetër qytetar.
Ai i ka dhënë një shtetasi 50 mijë euro hua, kontratë për 5 vite. Shtetasi A. K ka marrë 50 mije euro nga prokurori me interes 2 % mbi kapitalin. Që do të thotë se shtetasi do jepte 1 mijë euro në muaj interes tek prokurori. Huamarrësi do t'i paguante prokurorit 60 mijë euro interes ose 110 mijë euro për 5 vite, pra 60 mijë euro mbi huanë e marrë. Prokurori ka sqaruar se shtetasi A. K nuk merrte dot kredi në bankë se i kishte të bllokuara dhe ai e ka ndihmuar.
Nga ana e KPK u nënvizua se me kontratën e huasë në dhjetor 2016, prokurori ka nisur të banojë në apartamentin që kishte lënë peng AK tek prokurori. KPK thotë se prokurori Dyla 50 mije euro nuk i ka deklaruar në 2016-n si hua të dhënë e as burimin e të ardhurave. Në rubrikën të dhëna konfidenciale ka shkruar vetëm numrin e kontratës dhe asgjë tjetër. Në vetting ka deklaruar se janë të ardhura nga puna e tij dhe e bashkëshortes
Trupa e vettingut përbëhej nga Brunilda Bekteshi, Suela Zhegu dhe Firdes Shuli. Dyla shoqërohet nga avokatja Antoneta Sevdari.
Komente
Prokuror i diplomuar te plepat, te pakten nuk mund te thuash se eshte budalla, tabelen e zhumezimit e dijka me mire se disa deputete.
PërgjigjuDhe prokuror dhe fajdexhi.
Përgjigju