Vllaznia ka humbur një tifoz tejet të veçantë.
Shaban Piranej është ndarë nga jeta në moshën 76-vjeçare. Ai e ndoqi Vllazninë që 10 vjeç në të gjitha qytet e Shqipërisë, ndërsa në Shkodër mbahet mend edhe për intervistën e katër viteve më parë kur klubi kuqeblu ra në Kategorinë e Parë. Shabani ishte me profesion këpucar dhe ambientin ku punonte e kishte kthyer në një muze të vogël për klubin ku mbante fanella.
“Një tifoz si ti
Një njeri i rrallë, simbol i tifozërisë kuqeblu, do na mungojë për emocionet dhe pasionin e jashtëzakonshëm me të cilin ti e ndjeke Vllazninë!
E përlote çdo zemër kuqeblu me zanin që të dridhej kur Vllaznia po binte nga kategoria 4 vjet më parë.
Por ashtu si gëzimi i një fëmije, u gëzove më mënyrë të papërshkrueshëm për rikthimin e Vllaznisë! Mu duk sikur takova tan tifozat e zjarrtë shkodran ndër vite kur t'solla fanellën e shënuesit të golit në fitimin e kupës së republikës.
I përjetshëm qoftë kujtimi yt tifozi i madh i Vllaznisë Shaban Piranej!
Zoti e mëshiroftë e shpërbleftë me Xhenet,”-shkruan presidenti i klubit të Vllaznisë.
