Një 25-vjeçar, ka rënë në prangat e policisë së Dibrës, pasi kishte kthyer loklalin e tij në Mat në qendër bastesh sportive. Ndërsa nën hetim është vënë edhe një i ri, i cili u kap duke vënë baste nëpërmjet celularit në lokalin në fjalë.
Nën hetim janë vënë A.N., 51 vjeç, banues në Burrel, pronari i lokalit, dhe L.D., 25 vjeç, i cili u kap në flagrancë në lokalin shtetasit A.N., teksa vinte baste sportive, me celularë.
"Strukturat Hetimore të DVP Dibër në bashkëpunim me Komisariatin e Policisë Mat, Seksionit për Hetimin e Krimeve të Komisariatit të Policisë Mat, në vijim të kontrolleve në ambiente të ndryshme, mbështetur dhe në informacionet e siguruara nga inteligjenca policore, kanë evidentuar dhe goditur një tjetër rast të vënies së lokalit, në dispozicion të organizimit të kundërligjshëm të lojërave të fatit.
Si rezultat, u referuan materialet në Prokurori ku nisi procedimi penal për shtetasit A.N., 51 vjeç, banues në Burrel, pronari i lokalit, dhe L.D., 25 vjeç, i cili u kap në flagrancë në lokalin shtetasit A.N., teksa vinte baste sportive, me celularë", njofton policia.
Materialet procedurale i kaluan Prokurorisë Dibër, për veprime të mëtejshme.
